Q: I人去interview唔識點部署 A: 自己作為I人 (試過測到90%)，想講I人有I人嘅優勢。 我哋通常係更有耐性嘅聆聽者。interview其實作為listener同樣重要，我都試過幾次MT group in有candidate無留心聽問題，搞到全組差啲畀人帶錯風向。 而I人亦都有辦法應對到所謂E人。我有個PR朋友，啱grad嘅時候佢同我講，佢作為I人，可以同I人講嘢而對方無壓力，同時，對住E人亦可以慢慢build-up，同埋多數做聆聽者嘅角色，係適當時候給予聰明嘅意見，以此foster良好關係。 最後就係，適當嘅寡言或者冷靜，觀感有時更好。當然都視乎對方係咩人，但容易會俾對方會覺得你有思考，smart，一針見血。 同樣地E人亦反之，我哋會鼓勵你哋去培養聆聽嘅耐性等等。畢竟大家都係人，你有尊重、有思考、有條理，呢啲遠遠比起你I定E嚟得重要。 最後想提醒，你無辦法satisfy所有人。面試都一樣，你充其量可以觀察再cater對方作答，但無回音唔代表你有問題。 下次輪到我partner講吓佢作為E人嘅睇法，同埋點發揮E人優勢攞佢啲MT offer. 面試