前幾日做咗次磁力共振，今次係第二次做，第一次係上年 其實兩次做嘅感覺都差唔多，自問應該無幽閉恐懼症狀，但瞓入去嘅時候，嗰種類似被綁住被束縛吾郁得嘅感覺其實真係吾太好受，住膠囊旅館床位起碼可以轉下身，但操作人員同姑娘都叫我盡量吾好郁，包括口，脷同吞口水，就係咁，成個人喺幾乎靜止嘅情況下捱足差唔多一個鐘，咁當然去到中途我都係忍唔住狂吞口水 喺中途姑娘會打顯影劑入去右手度，頓時自己半邊身有涼涼哋感覺嘅一刻，我腦裡面即刻諗起David Bowie首Space Oddity，直程坐左飛船瞓喺太空艙飛咗上太空，感覺好虛無飄渺 原本諗住喺第二次試下瞓著睇下得唔得，但原來係吾得，會不時有啲雜音噪音騷擾你，有時零碎有時又急促並且仲有節奏感，不過其實都幾特別幾好聽，若果可以作返啲Melody編埋曲入去嘅話，整首大概四十五分鐘嘅長篇迷幻加前衛嘅電子音樂舞曲都應該吾錯，不過最可惜係吾可以拎手機入去錄起佢姐