勸世文，要慎選婦產科醫生 呢個醫生真係搞到我孕初期抑鬱原因之一 因為留啡加肚痛，即刻book某私家醫院一位男醫生（因為得佢有位可以即刻睇症） 醫生幫我檢查時候手法非常粗魯 無預先通知下就插左支鴨嘴鉗入妹妹度 因為冇心理準備下搞到勁痛，標曬眼水⋯但開心知道👶🏻成功着床了 因為工作需要，問醫生拎懷孕證明比公司，醫生話因為周數仲細未有心跳，所以拒絕出懷孕證明 果刻開心寶寶成功着床，而醫生話留啡係正常既情況，然後約下次就結束了 第二次見醫生時已停左流啡既情況 今次進行檢查一樣冇預先通知下就吱左勁凍既gel落我個肚度 正常反應縮一縮，佢態度勁差叫我唔好郁，又勁大力幫我照超聲波 今次終於聽到心跳，個下感覺又好感動但又因為醫生態度又好崩潰 👩🏻：醫生我想要懷孕證明 👨🏽‍⚕️：等到你三個月先啦 👩🏻：我做特殊教育行業，公司要張紙先可以安排到輕鬆既工作 👨🏽‍⚕️：而家我出證明書俾你，到時流產我又要出張流產證明書俾你咁就唔好啦 我聽到之後已經完全崩潰⋯只有默默比完診金就離開了 事後因為呢件事情緒低落到覺得有左bb係一件錯事 慎選婦產科醫生真係好重要 大家有冇類似咁伏既經驗又或者有好既婦產科醫生推薦俾大家 #婦產科醫生