有感而發，呢幾日見到Luka個Trade，即刻諗起當日DDR比人 trade走嘅時候，內心有幾震驚。 一直以嚟都知道NBA嘅市場一直都唔係情感主導嘅世界，有好多球隊嘅操作都好現實咁利益行先，無論係實際收入定係球隊戰力上，大多數時候都會比起球員同球迷嘅感情更優先考慮，無幾多個Kobe / 馬剌 / Dirk，好似D Wade / D Rose / KAT / DRR嘅例子都比比皆是，所以睇耐咗之後覺得就算自己不多不少都會有啲轉隊潔癖，但唔理係LBJ / KD 當打時候轉隊，定係KT / Parker呢啲退役前轉隊，我都會覺得只要繼續有得珍惜睇佢地打波就夠。 雖然自己係DDR嘅fans，但同時係Raptors嘅fans嘅角度中肯啲去睇，Kawhi嘅trade係當時嚟講真係好難拒絕，再用上帝視角去睇的確係好成功嘅trade，只係DDR真係好可惜。 睇返啱啱Luka個trade，真係拗爆頭都唔明小牛點解要咁做，不過當佢地提出咁嘅offer嘅時候，係湖人立場又好似真係無拒絕嘅可能，真係好想fast forward去睇小牛第時會唔會後悔，又想睇Luka究竟可以係湖人成就到啲咩。 9up