我地車位後面長時間放左個鐵籠係度，於是決定試下用呢個方法引佢入籠。好怕失敗😖因為冇捉貓經驗。好驚佢嚇一嚇會變得更警惕。 一切準備就緒，我就踎咗喺籠隔籬，諗住佢一入籠就閃電手閂門。之前見係人要離個籠遠啲然後用繩閂門，不過當下咩都冇，唯有靜靜咁踎喺度。 成個過程，我估唔駛5分鐘。。。佢真係入左去😂😂仲要門前既肉泥冇食到，直接咁行入個籠度。我簡直唔敢相信😳😳😳😳原來咁容易就捉到。可以睇下條片，佢真係叫得好大聲🤣 捉完佢已經九點，當下諗依家想搵義工幫手可能都要用啲時間或者搵唔到(當晚又凍又落雨)。而屋企又有2隻貓，為左安全起見都要睇下醫生先。之後帶佢返屋企住一晚，第二日再睇下點🫠