因為近年好多game都係垃圾半成品，呢隻game發售之後觀望咗一陣，覺得應該冇伏所以就試吓，玩咗18個鐘後之後簡單分享一下我嘅睇法。 我覺得呢隻game幾好玩，節奏係慢咗啲，但係沉浸感好強，完咗個新手故事劇情之後一無所有身無分文，跟手就揼你入個開放世界度等你自生自滅咁滯，然後我就：吓，跟住我要點樣做？😂連隻馬都未攞到要行咁遠路！？有種覺得自己未係太識游水，但係隻game推你落水嗰種感覺，但係我有少少enjoy隻game唔當你係智障，要你自己決定點樣做，而唔係隻game拖住你隻手餵飯俾你食。 另外感覺隻game 行得好順，我舊CPU 9900k + 4070，2K高效鎖60完全冇問題，我覺得再校高啲FPS同埋特效都OK。BUG都有，但全部都係一啲可以忽視嘅BUG，冇遇過任何惡性BUG。 如果唔抗拒慢節奏，體驗一下中世紀世界入邊嘅冒險，推薦大家而家可以買，唔使等特價。你買咗的話聽我講，搵件潛行好啲嘅衫，買把匕首，打強盜營走暗殺流，走少10年彎路😤呢隻game話你係咩劍術大師都好，一個人打三個人或者以上非常吃力，一開始嘅時候冇咩好裝備遇到強盜就算係個卒仔都好似打緊Mini Boss咁🌚