通常大日子前7-10日 我都會約新娘子上嚟開會同埋做角蛋白 - 開會傾吓當日嘅流程細節 同埋每一個造型 飾物 提醒一下新娘啲注意事項 做完角蛋白 當日睫毛就冇咁容易岀現真假睫毛分層嘅狀況 有啲女仔睫毛比較長同埋重，就算夾翹之後 如果受到淚水攻擊，就會好容易向下垂，整體個眼妝冇咁靚 - 開會嘅時候總會遇見好多唔同類型嘅情侶 依一刻 P同J人好鮮明 有d好緊張 有好多問題細節 即刻攞紙筆抄低 有啲係😌 (真係依個樣)冇所謂啦 你話事就得 交俾你 有一次遇到對好緊張嘅情侶 男朋友仔都一齊上嚟開會 喺每一個環節佢都好認真細問 見到佢哋咁緊張諗住幫佢哋打打底 Me: 婚禮上邊會有好多突發嘅事情，其實你哋而家已經預備得好好，到時咁多兄弟姊妹幫手，冇問題㗎，冇嘢解決唔到 👩🏻‍🤝‍👨🏼: 🫨😱😨😵‍💫😭例如呢？例如呢？會有啲咩問題？你有冇見過啲咩例子？邊啲環節？ Me表示好後悔講咗依句，其實我只想強調真係冇嘢解決唔到！諗住可以幫佢哋放鬆 點知錯誤加壓 做咗咁多年婚禮，好多千奇百怪嘅事情 唔記得帶戒指，冇身份證，唔見咗花球，nude bra唔黐，條裙鬆跌落嚟，嚴重大塞車趕唔切目的地，佈置唔同顏色 留言續