🧅輔導員的實習手記4 輔導關係嘅建立發生喺輔導室內，由輔導員同當事人（Client）組成，「兩個個體共同在解決其中一人的困擾」，協助當 事人增進能力、克服障礙，做出更有效嘅決定，以解決問題並促進成長。呢段關係創造咗一個安全、特別既空間，比當事人感受到被理解、被尊重，自由表達自己嘅想法同感受。 每個人都有過去嘅包袱，或是未竟之事，或是壓抑、未表達嘅情緒。而輔導室成為一個比當事人放低包袱、釋放負擔既地方。係「案主利益最大化」嘅原則下，專業嘅輔導員會放當事人（Client）嘅利益為首位。喺正常情況下，「最好」係由當事人定義，而輔導員只係嘗試就住唔同嘅選擇作出一個呈現。 有人會選擇欣然接受而家嘅現況，搵到內心嗰份平靜；有人會選擇停留多一陣，再思考消化自己嘅感受；有人會選擇鼓起勇氣改變。而「選擇」呢個行為本身就係一種自我成長既體現，因為無論最終嘅選擇係咩，當事人都為緊自己嘅人生、每一個決定負責任。 我會形容，呢份責任感係一種有重量而美好嘅成長。 心理諮商