台語認證考試C卷考了矣 🥳 下早仔口語測驗，愛讀兩篇文章，其中一篇是世界有名的屠殺猶太人紀念詩，我真佮意這條題目。讀了閣愛發表家己的看法，我想經過這冬逐家攏知影參與政治真重要lah。 下晡聽力測驗，聽對話、聽演講是攏聽有，毋過有一寡選項聽無嘛看無，放刁 pàng-tiau、聳勢 sáng-sè，毋知啥物意思就袂曉選。 閱讀測驗，規篇文章按呢看是無概困難。上困難的是「克漏字」，差不多意思的詞叫人選一个正確的，我真正毋知按怎選。 書寫測驗，寫兩篇作文，閣翻譯一篇文章。其實我毋知影按怎會較懸分，所以就落三四句俗語，展講家己腹內有小可仔膏。😆 作文主題是「語言的功能」。我頭一句寫語言是文化的底蒂（copy民視節目台詞），尾仔寫台灣若無本土語言，本土文化就斷根矣。咱愛拍拚，有一日台灣會開規遍的語言花。（寫甲家己就感動矣😁） C級無我想的遐爾困難，嘛有可能是這半冬我又閣進步一屑仔矣。學台語當著時，鼓勵大家開始學台語文喔！考試閣送遐勾古錐的袋仔！