語言。動念 語言文字有其必然嘅影響力，會推動唔同嘅情緒乃至行為，由相處之間嘅說話、到廣告中嘅宣傳內容、乃至到一啲大型洗腦嘅訊息…. 對方一句自己唔啱聽唔認同嘅說話就「著」咗，好嬲，心跳加速手都震埋…然後，由開始口角…甚至到某一啲情況會打交； 係飲食聚會中如果有人講「係咪好食先？」 「識食一定係咁食！」和應或者並無食唔出有乜分別，但因面子問題而答； 廣告、宣傳或行銷，經常會出現「最後機會」、「機會難逢」、「數量有限」…甚至「唔買就笨」，總有人會因為怕蝕底或錯失機會而去購買，但事後又可能發現買咗未必真係想要、需要嘅嘢； 甚至乎近年嘅網絡文化：「標題黨」，試過因為「你不可不知」「一萬人只有一個人能解答」….之類嘅標題，而忍唔住click入去睇睇嘛？ 其實影響情緒、思想、行為嘅說話多不勝數，甚至只係自欺欺人嘅說話，基本上，當一啲說話帶住挑釁緊自信、自尊、面子、貪念、虛榮…嘅時候，避免做錯決定、行動嘅話，就係更加需要抽離同冷靜嘅時候，不起「心動念」，唔貪心、唔亂發脾氮、唔傲慢……麻煩都會少啲。 #犍陀羅佛像 pencil drawing day 3