［學生的分手信］ 琴日收到一位學生既msg， 根據教日文多年經驗，睇字數已經大致上知個msg係做咩。 好短既就係請假；中既就係交功課or問野；而好長既...多數都係「道別」。 學生因生活上既變化而唔能夠再上堂係常有之事， 大可一句「以後唔黎上堂喇byebye你條尾～」咁， 起碼唔係突然失蹤，對我黎講已經係好黎好去。 徧徧喺過往教日文的數年間，無論係過往係日文學校教，抑或自己攪既小組，學生唔能夠再上堂既時候都會將佢地既情況、難處、感受之類一一講哂我知。 每次聽到呢啲我內心都會好滾動， 覺得大家唔係單單「服務提供者同客人」既關係。而我每次都同佢地講，「就算以後黎唔到上堂，有日文相關既野都可以隨時問我」，希望大家可以繼續交流，建立一個因日文連結既圈子。只要大家繼續對日文有興趣，我地就有機會再見。 不過，你地愈多謝我，愈話我知上堂開心學到野，我就愈想同你地講.......（見圖二） 日文學習