由打工到創業醒覺‼️ 做護膚品批發都差唔多廿年，2025年又計多一年，都算係老屎忽🤣。今次分享吓我嘅經歷，唔可以話以一概全，但我所講嘅都係有血有肉有淚有汗，亦係好很殘酷嘅現實！ . 唔到創業都唔知咁多人想我仆街！無論作為咩角色嘅人，總之就唔會想你成功！只想你失敗！睇住你仆街！ 「睇人仆街最開心」嘅真理，我領教過 😎 . 創業頭兩年真係見盡人情冷暖，冷言冷語呢啲已經係碎料，試過有人專登唱衰我，離間我同啲熟客，搞到啲客誤會我，甚至block埋我WhatsApp，仲落力地傳開去。我當時真係又嬲又灰尻！畢竟十年交情，都敵唔過利益當前、幾句是非。 . 當時我同自己講：「想睇我仆街冇咁易！當年可以cold call 搵到呢班客返嚟！今日同樣可以！條路係我自己行出嚟，你哋食屎啦！」 . 就係咁，我開始明白商業市場就係咁現實，無人老馮支持同包容你，篤你背脊已經係基本嘢。共事、同你攞貨啫，冇價值、亦冇必要對你好。 . 當然，我亦都遇到好多好人，好多客同朋友真係好善良、好真心，係佢哋一臂之力幫我撐過嚟，萬分感激🙏🏻 所以到依家我都好珍惜呢班人❤️。 留言續