如果唔係南區球迷，的確好難搵到着墨點，咁就由我講吓 對比起護級組嗰年，今季肯定係遠遠差過當年好多，咁至少佢哋喺進攻上的確有辦法，當年你睇佢哋嘅比賽，你唔擔心佢哋會入唔到波，你更加擔心嘅，係佢會失波。防線問題係當年首當其衝嘅問題，比圖 列文老退，陳港斌實力見底，高達未具備擔起大旗嘅能力。當年你都知問題南區問題係可以點解決，買咗幾個後防之後就即刻5變1完半季，但係依家你完全諗唔到邊一個方向可以解決到佢哋嘅問題。當年至少攻得入，但今年係攻不銳守不穩 楊正光臨走前，一直打緊嘅係433陣式，但係兩翼缺乏速度，而要佐佐木周 肥彭等客串呢個位置，反而暴露到佢哋速度問題，基哥利都算係一個偏向全能嘅前鋒，所以呢個都仲適合佢嘅發揮，但換教練轉左3421陣式之後，就反而唔再需要咁全面，因為嗰個2會收入中間少少，意味着會有四個人喺中場之間遊走，基哥利前鋒嘅任務反而係進行攻擊對手後防後龍門前面嘅位置，企得太後嘅話，係會同四個中場造成阻塞。某程度上呢個完完全全係組軍嘅責任，最簡單嘅就係點會連一個基本快翼亦都未有。但係楊正光絕對要走，因為佢喺臨場完全係出現咗問題 Comment繼續