啱啱喺建生間大快活食早餐， 隔離檯有個女人同我差唔多時間食完， 之後有個清潔姐姐過嚟抹檯執嘢。 個清潔姐姐先執隔離檯， 執到我張檯嗰陣， 清潔姐姐問我：「啲嘢仲要唔要㗎？」， 我點頭話：「唔要喇唔該。」， 然後佢抹檯，我就拎開我檯面啲嘢俾佢抹， 個清潔姐姐話我好有禮貌，有素質，（佢係用素質） （我唔覺自己係，只係正常回應） 但隔離檯個女人聽到之後， 疑似自行腦補個清潔姐姐暗示佢冇禮貌， 跟住話要投訴個清潔姐姐。 嗰個女人走咗之後， 清潔姐姐走返嚟同我訴苦， 話個女人黐線，表示自己冇話佢， 但對方無端端話要投訴。 我唔識安慰佢， 只係希望清潔姐姐嘅上司唔會受理呢啲投訴。