最近要去某過出名猛既地方工作. 其實本身去開墳場廢墟都會探索, 仲試過七月十四通宵更都冇嘢. 但今次去到間屋重門深鎖, 兩個人一齊入去一樓還好, 我好奇行上二樓就即刻心寒打冷震. 即刻知到唔對路大聲講句打搞晒走人. 轉身想走先見到走廊盡頭有個神檀, 唔敢岀聲即刻走人. 本身唔算敏感體質, 我都係第二次有呢種突然毛管戙嘅感覺. (第一次係十幾年前行山路經鎖羅盤村廢屋). 返到公司同屋企諗返起都仲有少少驚 今日再同鋸樹師傅過去, 原來師傅佢哋之前都去過打草, 都 feel 到有啲嘢, 佢哋入咗另一間屋, 又係突然間心寒起雞皮. 今日氣溫急跌至 13°C, 仲要落住雨喺外面斜坡濕住咁做嘢, 真係好刺激！今日有個呀姐少少撞聾, 大家溝通都要大聲嗌, 又成日聽錯. 不過就係有呢啲烏龍嘢先好笑, 同埋冇咁悶, 有啲人氣, 特別係呢個地方