在日香港人 作為用經營管理簽嚟維持留日資格就嚟第三年嘅後生（？） 經常勸退身邊有興趣過嚟日本嘅朋友 因為佢哋基本上無任何營業上嘅計劃 問佢哋過嚟預搞咩生意 多數都係反問翻我有咩生意好做（即係基本0構想） 個人覺得 基本上你喺香港已有做開嘅Freelance可以遙距接Job係最直接 初步過到嚟都仲可以頂到一陣再開展新生意 絕對唔建議過到嚟先諗做咩生意 另外網絡上資料多數都寫500萬YEN就開公司好似好吸引 但絕對唔係20幾萬港紙就過到嚟安枕無憂 有好多前置準備都要錢 租Office租屋 添置傢俬器材 更有更多煩雜手續 如果白身過嚟更要準備一年生活費（小弟係Digital nomad 落地就Keep得住之前工作 所以我無準備足一年） 我都有經營YouTube同開收費會員制寫下港美股分析文 所以我都好難評論啲乜 但我覺得呢啲就Give and take行為啦 收得Donate就睇下比到咩資源出嚟先收錢 共勉之🙏