呢日約咗朋友係天后食lunch，食完齊齊去咗Fresh Fresh Bakery度掃小食上我屋企繼續吹水😂原來朋友同我一樣係開心果控😏結果我地掃咗一大堆開心果小食😂😂😂 🥯開心果麻糬QQ $18/盒 面層大量開心果碎，整體食落滿滿開心果味😍 🥯杜拜開心果脆脆朱古力麻糬QQ $18/盒 開心果味同朱古力味道都好濃郁，估唔到呢兩隻味係咁match😍 🍪開心果手唧曲奇 $32/80g 曲奇焗得好鬆化，面層有埋開心果碎，口感豐富😋 ⚪️開心果糯米糍 $12 軟腍腍嘅糯米糍皮包住一粒粒脆卜卜嘅開心果餡料，層次感好豐富👍🏻 🟢抹茶脆脆糯米糍 $12 面層煙韌入面係抹茶脆脆，餡料抹茶味香濃，雪凍嚟食更滋味😋 🍬手工開心果脆糖 $78 見新推出買嚟試吓，第一啖食落微甜，之後慢慢開心果嘅鹹香味出嚟，類似食花生糖咁，幾得意👍🏻 🍰開心果脆脆盒子蛋糕 $40 好有驚喜🤩開心果cream好幼滑，同海綿蛋糕味道好夾😋 Fresh Fresh Bakery 📍天后電氣道22-52號金殿大廈地下13號舖