今日有個小五男生同爺爺一齊黎覆診陷甲，陷甲好返，幫佢做少少護理。傾起校園欺凌，我問個男仔：「如果你見到同學俾人蝦，你會點做啊？」 👦🏻：「使乜見到啫，我咪就係俾人蝦果個囉～」 😲：「咁你有冇還手？」聽到真係好心噏，一時間唔知講咩好。😢 👦🏻：「冇啊，唔夠佢打，俾佢撳住喺地下打。」 👩🏻：「老師知唔知？」 👦🏻：「老師知道都冇用，我喺枱上畫左筆就俾老師寫手冊，佢打我，又捅個同學，都冇寫手冊，冇見家長，冇記缺點。」 爺爺👴🏼：「捅人？用咩捅啊？」 👦🏻「鋼筆。佢一定係富家子弟，所以先至冇事。」 忍唔住笑左，👩🏻「唔係掛，你係咪電視睇得多..😂」 👦🏻：「係呀，佢話佢一日三餐都食牛扒架～」😆好cute 希望佢地只係玩下~最後提醒佢，發生咩事都一定要同爸爸媽媽講。😮‍💨