我uni係英國讀啦 主要嘅朋友都係香港 今年少左同佢地msg 因為大家都忙 佢地忙 我自己都忙 未必知道大家嘅日常 唔會再日日傾計 忙到連睇reels send reels都未必會 但永遠大家一有問題係group到問佢地都會即刻出現盡量幫 當大家有感受想分享 總會有人係到聽 就算大家各自忙 我都唔覺得有生疏到 個bonding依然係緊密 我覺得我是個幸運的人 我從來都唔會話我自己有幾好所以先擁有啲咁好嘅朋友 而係我啲朋友真係好好 好錫我 我覺得中學之後遇到一啲可以一齊挽嘅朋友唔難 飲下酒挽下game 大家講下是非八卦就好似又多左個朋友 但遇到一啲真係可以傾內心 deeptalk 真心對你嘅人 唔容易 所以當朋友搵我call搵我text 有重要野搵我 我都會盡量即刻覆 即刻比回應 佢地成日都話點解我好似好得閒 二十四小時都在線ig 但其實唔係我得閒冇野做 只係我將你地睇得好重要所以先會盡可能最快覆到 主打一個 你地對我咁好 我都要對返你地咁好 是雙向的 我成日以為每個人都會好似我咁有班咁好嘅朋友 但其實唔係必然 唔係絕對的 我成日都好感恩自己擁有你地🤍