「如何監察訓練強度?」 有人話運動要流汗先有效,又有人話運動隔日要一定要酸痛至係有效,到底操幾多先有效呢? 訓練要有效離唔開適當既訓練強度,訓練強度指運動既激烈程度,而監察訓練強度有唔同既方法,今日就提供2個簡單既方法比大家: 1.運動自覺強度 Rating of Perceived Exertion (RPE):以自身感覺表示強度 e.g:假如你呢組做完覺得超辛苦,即係RPE8-8.5,假如你呢組做完覺得去到極限,即係RPE10 2.保留次數 Reps in Reserve (RIR):以次數表示強度 e.g:假如你呢組做完,仲可以做2下,即係RIR2,假如你呢組做完,做多一下都唔得,已經力竭,即係RIR0 一般重量訓練建議強度: 熱身:RPE5-6,唔需要太高,目的係為左等身體準備好接下來既訓練 新手:目標RPE7-8,保持RIR2-3,建議以維持良好技術為前提,feel 到動作唔標準就停,呢個階段最緊要唔好學壞手勢。 進階人士:目標RPE7-10,RIR0-3(根據訓練計劃調整目標,可以多嘗試訓練達到力竭,增加刺激肌肉)