如果當下反映到啲咩，我認為係（香港）教育嘅缺憾。 批評國際關係，多數人都係提吓張伯倫、依家啲政策點樣模仿二戰德國、世界大戰之類。思路上仍然係「鑑古知今」。問題係現實有無咁簡單到可以用中學水平嘅歷史嚟判斷未來？經典例子係「特朗普之所以通俄係因為佢未讀過《六國論》*」。不如話Trump睇過《叛逆的魯魯修》，想做世界皇帝仲有創意。 唔計policy maker，我開始傾向學歷史喺呢方面係一個包袱。參考某網友嘅哲學筆記：喺未有任何答案嘅時代，人仍然要思考同生活。法國人受過一戰教訓，一樣喺六個禮拜內淪陷；德國人知道要速戰速決，仍然輸咗俾蘇聯。放係今日，就算美國人、歐洲人識得鑑古知今，難道俄國人、中國人會比你更蠢嗎？* 另一方面，社交媒體嘅圍爐特性又注定普通人嘅處境同澤連斯基嘅命運一樣咁滑稽（單論戲劇效果）：知道背後寡頭利用自己嚟瓜分利益，但自己又急切想要某種（心理上）安全保證，手無寸鐵之下無得唔奶鞋底。 （注意：就算加拿大人抵制美貨都好，有邊間主流社交媒體唔係美資？中俄嘅網絡圍牆可以保衛自我之餘向外滲透，但加歐做唔做到？）