أحب الكتابة جداً أحسها ملجئي بعد الله حضن يحتويني بدون أسئلة وملاذ أهرب له لما تعجز الدنيا تفهمني إذا تضايقت أكتب وإذا فرحت أكتب وإذا اشتقت أكتب هي المساحة الوحيدة اللي ما أخاف أكون فيها على طبيعتي ما أخاف أتكلم بزيادة ولا ينكتم صوتي من الخوف ومع كذا أنا إنسانة صعب أعبر عن شعوري بالكلام دايما في صدري كلام كثير ودي أحد يفهمه بس وقت الجد يخذلني التعبير وألقى نفسي ساكتة وكأن لساني مقيد مدري وش اللي خلاني أوصل لهالمرحلة لكني متأكدة إن الكتابة بتظل دائما صوتي بتظل الشيء الوحيد اللي ما يخذلني أبدًا.