身處呢個高速急速嘅世代 友情同愛情喺萌芽嘅階段往往已經開始枯萎 隨著科技嘅進步 社交網絡逐漸開始主宰起我哋嘅一切 實體嘅交流逐漸變得陌生以及難以駕馭 新生代亦都變得更加孤寂 不斷向下滑 無盡嘅資訊 可以滿足當下 但其實完全替代唔到 小至一杯咖啡開始嘅約會 再多嘅表情包同對話 可能比唔上一個真實嘅微笑 向左向右無論係交朋友定係愛情 都被盲目地數據化簡化 一式一樣嘅對話失去咗溫度 連我哋都失去咗溫度 可能係時候 放下手中嘅矩形金屬 打破心中嘅數據化牢籠 用說話同行動去感動眼前嘅人 過去的已經過去 未來還未來臨 可能而家就係嗰個時候 去作出新嘅改變 令生活有新嘅節奏 我哋亦都值得重獲溫度 浴火重生