皮叔叔@皮妙妙影樓 皮叔叔同皮嫂嫂有眼不識泰山啊，原來眼下14歲Humhum做過好多偉大嘅事，例如年輕時期曾拍過廣告同電視劇，4歲起就當治療犬，至今依然同媽媽出雙入對，探訪過好多戒毒年輕人、接受殊殊教育嘅小朋友、離鄉嘅老人家，親身教育大家生命嘅珍貴與美麗。甚至乎，Humhum由bb時期經過幾手家庭嘅嫌棄，到當上10年動物醫生嘅故事，更成過書。 媽媽同樣定期就去狗場幫手清潔，洗籠放狗狗，「我好耐好耐以前第一隻狗走後，傷心得同自己講不能再養。養Humhum係緣份，佢bb時期經歷過幾個家庭，一隻得2個月嘅bb被嫌棄唔識去厠所同咬嘢⋯⋯最後就嚟到我屋企。」10餘年過去，媽媽形容自己依然會怕Humhum畢業一刻嘅到來，但自己更珍惜過去多年嘅快樂，「同Humhum一齊，都真係好開心嘅。」 呢日Humhum仲係影樓影生日相呀，老人家能企係「1」同「4」代表14歲嘅數字氣球前，皮叔叔皮嫂嫂覺得係非常光榮嘅樂事。祝福Humhum繼續幸福滿滿，媽媽享受當下，能讓孩子有尊嚴地、快樂地生活，係我哋最大嘅福氣。 寵物攝影 #上門寵物拍攝 #影樓寵物拍攝