「為了繼續思想 今日獨在異國思鄉 黑夜太漫長 寂寞在夢裡滋長 數不清的模樣 願今天都無恙 若我化作星宿 定會為你照亮」 今晚睇完Luna個腦浮現喺多倫多睇過嘅每一場Show Rubberband 王菀之 Kolor 明哥 The Hertz Yack Studio Luna is a Bep 你哋嚟到呢度 好似照亮咗我嘅生活咁 每一次睇完都得到一啲力量 然後你哋又會不約而同咁講 因為我哋你哋先嚟到 仲有好多好多港產片 仲有唔同人將香港嘅書帶過嚟 唔同嘅手作人將佢哋喺香港嘅作品帶過嚟 仲有每一次見到唔同嘅觀眾 有啲熟口熟面 無論係遇到幾多次 我都仲係覺得好感動 亦都覺得自己好幸福 可以喺香港以外嘅地方 遇到你哋每一個 然後我又諗到 如果每一場show嘅觀眾 我哋一齊儲吓錢 係咪有可能撐起一個HK Music Fest 甚至再諗大啲可以有一個香港文化節 雖然我而家係鳩噏 但係我深信有呢個可能 最後諗起有個香港移民二代問我 Do you like Hong Kong? 我諗咗一下 I don't "like" Hong Kong, I love Hong Kong. 多倫多