近排睇到有啲Thread講到類似「AI overrated」同「AI氾濫」嘅論述，小弟有少少愚見💩 針對AI係咪overrated，某程度我係認同。作為一位勉強算係EduTech AI程式嘅小薯🍠，我承認係高估到呢刻嘅AI（唔知之後會進化到點）。😮‍💨 寫網站唔難，難就難在就算用大量data大量精力去fine-tune個model，都未必模擬到現實世界應有嘅解難「flexibility」🧠但我亦肯定佢嘅應用價值，關鍵係點用理性「期望」看待AI，善用喺佢可以發揮嘅地方。 而講到AI氾濫，應該算係一個可悲又符合社會規律嘅現實🫠 呢度我想套用讀Master學到嘅概念 — 「迴避新聞」。 十幾年前自媒體興起，資訊爆炸性增長，大量良莠不齊所謂嘅「新聞」衝擊緊我哋有限嘅接收容量，導致「新聞疲勞」，繼而演變「迴避新聞」，情況同依家嘅AI好似🤔。AI同「新聞」本質上都係對社會產生正面作用嘅事物，只可惜太多劣質「偽品」淆亂視聽。我都睇到市面上都有所謂EduAI平台，就咁幫AI「套個殼」就吹噓其AI程式，但用落同就咁用GPT差別唔大。 「迴避」未必係壞事，就好似李教授話齋，視乎你係「絕食型」定「節食型」😌