《關於滑雪的二三事》 好多人見我滑雪滑到好開心，返到嚟香港又跳跳扎扎，都問我話「你係咪好少跌？」咁當然啦，經驗越多，你跌嘅次數係會減少嘅，但都唔可以完全避免所有跌跌碰撞。 就算自己好小心，滑道都可以有好多突發，例如雪道中有凹凹凸凸/ 同其他雪道嘅使用者碰撞～～ 就好似今次係白馬滑雪，我都發生咗個小小小意外，喺轉入一個彎位嘅時候，一邊係雪牆，一邊係山坡，安全起見，我自然選擇咗靠近雪牆嗰邊，驚自己一個唔留意跌咗落山。 但結果因為太近雪牆果邊，一入彎時跣呔，成個頭撞咗入雪牆，拖行咗兩秒🤣之後先跌落地。（其實嗰刻未跌落地嘅，但因為太驚，所以決定先坐低）起身即刻摸個頭，好彩有帶頭盔，可以話係一啲事都冇🙏🏻🙏🏻🙏🏻🙏🏻所以話帶齊裝備好重要！ 所以滑雪真係一種「痛並快樂着」既運動😎