咁我嘔咗出嚟啦，我就嗰下覺得舒服晒，咁我就冇理到咁我就繼續做嘢啦，咁啱開舖呀嘛已經六點，點知我5分鐘都捱唔住，咁我就坐低咗，要做嘢嘅時候我先起身，點知做咗一個半鐘，我已經頂唔順我要早走，本身呢係勁內疚嘅，因為我未試過喺咁缺人嘅情況底下同埋咁忙嘅情況底下我會早走啦，但係我真係撐唔住，之後去到八點我返到屋企，我手機都懶得玩，我就直接瞓低咗，一瞓瞓到12點咁啱就係我啲朋友收工，我純粹就係問咗一句忙唔忙啦，出自於愧疚心，之後我就繼續瞓番，一瞓就瞓到第二日嘅朝早八點，我本身係諗住食早餐，因為我慣咗呢啲時間食早餐，但係我唔舒服呀嘛，咁我就懶得落去買早餐啦，咁我就諗住電話嗌，發現真係好撚貴，咁我就放棄咗，點知撳撳吓手機我唔知點解突然間想嘔，但係我一開始都冇理到我就係吞咗落去，即係好似吞口水咁樣吞，我本身以為係我喉嚨唔舒服我就冇理到，點知後尾我發現唔對路我就即刻衝咗入去廁所啦，點知真係嘔，明明我琴日都冇食嘢，但係我唔知點解我仲嘔得出，仲要都嘔得幾順下，所以去到今日我都係返唔到工，咁我就喺度諗啦，我嘔咗咁多次又冇食嘢，我一定輕咗啦我走咗去磅重發現自己輕咗三kg😁