「戒」 要戒煙戒酒， 戒人戒事戒物， 要講出嚟話戒，通常都係戒唔到。 真正戒得成嘅，都係突然💡叮一聲， 果樣嘢令你唔再舒服。 例如十年前突然有一日， 望住個番茄豬扒飯，有個影像， 有隻豬喺碟餸上面行， 自此就食唔到肉， 冇話要戒，但茹素超過三年。 近排每次飲酒，大部分嘅酒（啤酒暫時ok)， 都覺得難飲，望下隻杯， 咩嚟㗎？！點解我會鍾意飲酒， 又經常飲，飲咗咁多年㗎？ 今晚同朋友去partyroom，勉強才飲到一杯半， 好彩自己帶咗茶，沖杯茶飲，即刻舒爽返哂！ 所以呢，任何人事物，都有盡時， 無論當日幾咁愛，好似我鍾意飲酒咁， 突然發現自己口味變了， 就代表你哋嘅緣份到啦！ 唔好勉強自己，最緊要自己感覺舒服！