【1986 正宗越南料理】簡生去越南河内公幹，等我晚餐都食越南菜先。 屯門越南菜只係食過小巴黎，今次專城搵越南街頭料理style的小店，老闆娘是越南人，幫襯的也大部分是越南人。 餐牌上的選擇都幾地道，味道亦都一啲都唔港式，而且好有風味，味精感亦唔算太重。 香茅雞翼撈檬($48)，凍冰冰食檬粉感覺有啲刺激，檬粉口感幾滑流，而且份量多，加入唔同嘅越式香料同香草，酸湯以甜口為主味道層次幾豐富，最欣賞香茅雞翼醃得好入味，炸得好香口。 越式春卷($35)，胡椒味幾重，餡料口味地道，炸得非常香口，最最欣賞系配有九層塔薄荷葉酸瓜芫荽同生菜，夾起來食簡直覺得秒飛咗去越南一樣。 牛油果沙冰($22)，估唔到越南菜會飲到，因為越南夏天好熱？真材實料的沙冰，只係微甜牛油果味好香，這個價位好佛心喎。 原本有啲猶豫，因為這家的前身是江湖味幾重的麵館，就喺橫街窄巷入面，加上似乎近來易了手擔心中伏，體驗過後又覺得幾有特色，唯一嘅唔好處就係太過地道，有少少似越南衞生情況有待改善。 1986 正宗越南料理 屯門屯門鄉事會路94-110號康利中心地下17A號舖