顧名思義，好多醫學美容嘅產品都係由醫學衍生出嚟，外泌體都係其中一種，屬於再生醫療，所以嘗試從醫療方面出發，整合少少相關資料，總結如下： 1.所有細胞都會分泌外泌體，主要作用就係細胞工程師，指揮細胞作出程式入面應有嘅行為 2. 鑒於外泌體有調整細胞嘅能力，目標應用方面可以減低細胞炎症，加速細胞瘉合，喺醫學美容療程當中可以延緩衰老，活化頭皮，以及促進頭髮再生 3. 由於唔同細胞會分泌出唔同嘅外泌體，醫學界甚至會以外泌體幫助診斷病症發展嘅程度同預測疾病未來發展 4. 外泌體係細胞分泌出嚟嘅產物，所以人體會比較容易接受，喺醫學界甚至可以作為藥物傳輸系統，將特定嘅藥物帶入人體， 5. 以上亦解釋咗相關醫學美容產品除咗含有外泌體外，仲會有各種生長因子以及peptide,透過外泌體作為媒介，令產品更加能夠喺皮膚產生應有嘅作用 6. 由於唔同細胞唔同來源都可以有外泌體，所以有更多臨床實證以及對於擷取同存取技術有高標準嘅廠商更能夠確保到達皮膚嘅作用同療效 7. 外泌體唔係細胞，係一種對環境溫度有高要求嘅蛋白質，所以會將佢放喺有特定溫度控制嘅地方保持活性