我哋工作接觸上至90幾歲，下至幾歲嘅客人，要每樣識少少，又要與時並進，先同客人溝通到。 有時少不免有些小代溝，唯有多跟上潮流，向年輕人學吓嘢，例如而家GEN Z潮語，今日啱啱識咩係JHGG 同MNYY，其實好似港式英文嘅簡寫，但又唔啱文法咁，真係唔問清楚都好難明；又教吓長者用電話程式跟我哋同屋企人溝通，唔少長者驚㩒錯制而唔敢用手機功能。 不過，年輕人追嘅星有時難以跟上，港星都還可以，日韓內地嘅真係聽過少少咁。 最近見個小學生，問佢鍾意聽咩歌，以為佢話Black Pink，BTS，Mirror呀咁啦，點知佢話李克勤，即刻忍唔住笑咗，父母即時笑認係佢哋鐘意，仲有聽Classical咁囉... 見小朋友比我更脫節，即時建議父母要帶小朋友追上潮流，睇下youtube、打下機、聽下流行曲，否則小朋友難以跟同學仔溝通，上到中學，其他學生較早熟，就很容易被排擠了。 幸好我哋算GenY #代溝 #親子溝通 #隔代相處 #思健心理諮詢中心 #註冊臨床心理學家趙思雅 #wellness_psy #clinicalpsychologist www.wellness-psy.com