一直以嚟 地鐵都同我哋講「請先讓車上嘅乘客落車 然後上車 多謝合作」 所以我每次見到啲人唔理落車嘅乘客 一嘢衝上去都覺得好冇禮貌 然而 今朝喺葵芳地鐵站搭地鐵 嗰陣都比較多人上落車 作為一個有禮貌嘅人 咁緊係要等佢哋落車先 其中一個落車嘅伯伯行得有啲慢 同埋企左邊嘅乘客都已經衝緊上車 如果我哋都衝埋 咁佢哋就落唔到車 點知啲人都未落晒車 地鐵已經播緊「請勿靠近車門」 佢哋落完車嗰刻就已經「嘟嘟」 完全冇俾時間我哋上車 咁我哋就緊係即刻跑入去啦 只係差嗰1-2步 最後有啲俾對門夾住 有啲跑唔切上唔到車 今日地鐵教我 先讓車上嘅乘客落車係會令我哋上唔到車 當我哋顧及其他人嘅感受時 根本冇人顧及我哋嘅感受 原來只有自私自利嘅人先係最終贏家