《冇圖。冇真相》 原本都冇諗過要公開，不過啱啱俾我碌 Threads 睇到竟然有人都係咁🤣 咁我都講岀黎，睇吓又搵唔搵到同類人啦🤣 事源前日收工，我如常係巴士站等巴士返屋企， 等等下冇啦啦有個勁靚仔嘅小親肉（個樣酷似書生版Locker）走過嚟叫我， 👦🏻：唔好意思，請問你會唔會有10蚊現金？ 我0秒反應，即刻就打開個手袋睇吓有冇散紙。 👦🏻：我冇帶現金，我即刻轉數快俾返你吖！ 👩🏻：我都唔知有冇，我睇吓先！ 跟住我搵到一張10蚊紙，就俾咗佢。 👦🏻：我轉數快俾返你吖！ 我原本有諗過唔使，不過作為香港人，我諗佢好想俾返我，所以我講咗自己電話佢🤣 我冇諗過佢係咪想識我，但係我有0.1秒諗過佢係咪想抄我牌之後就電騙say hi！ 佢搞左一陣，好似手忙腳亂咁， 我就話其實我有 payme，如果你有都可以 payme我， 不過佢望一望我冇講嘢， 我就繼續等佢轉， 最終佢轉左俾我，講多幾聲唔該多謝之後就上咗車。 但係我就望住我架車同我 say byebye... 我又要企多3個字🤦🏼‍♀️ 事後，其實我都有同同事講返， 有啲就話我有眼福， 有啲就話點解我要俾錢佢。 雖然我都有懷疑過，最終我都係幫左先。