話說岩岩搭鐵～好專心撳撳吓電話 突然間聽到有人爆喊嚎哭嘅聲音 令我諗起之前睇咗一個post… … （就係講有人喺條街度喊， 都無人遞包紙巾俾佢， 眼神好似都係睇戲咁，好似好冷漠） 醒起覺得自己要做少少野🥹 於是我響個袋到潛咗包紙巾，隻手都未敢拎出來 都仲要儲下勇氣 然後行過去 拍一拍佢膊頭 遞左包紙巾比佢 佢一接喊得仲大聲🥶 我馬上急急腳走落車… 落車之後見到佢有即刻用包紙巾 希望佢會有少少少少安慰？ 事後自己諗返起覺得網絡有時雖然有好多負能量 都有啲發人深省嘅 但要識得篩選 自己分析消化好緊要 講到一嚿嚿 總之都係希望唔好咁mean啦個世界