好想知大家嘅 情緒病 係點suffer🥹 我係從細個已經有焦慮+抑鬱 而原生家庭問題係有一部分影響到 加上仲有專注力失調同埋高敏 （一直都無求醫，因為最近發生咗啲事先confirm係） 細個係唔知道啲病徵係等於情緒病 純粹就係無啦啦覺得好唔開心好心慌 長期個心好鬱悶，好似有啲嘢排解唔到 由讀書到返工都好驚人際溝通 有時會避開人群孤立自己 成日驚自己做錯嘢將情況諗到最壞最差 所以到20歲中就瘋狂生白頭髮 身體上有嘅痛楚就係會經常性頭痛 係痛到會撞牆去分散痛楚嗰種😖 同埋由細到大都會緊張到反胃作嘔 同埋身體不受控制咁微震 好多病徵都係呢幾年先知道係情緒原因引起⋯⋯ 以前都會用喊去排解但係呢幾年好似已經唔識/唔想喊了 以前唔敢講咁多自己呢啲問題，因為覺得其他人唔明白 最近喺呢度發現好多類似情況嘅朋友先敢打出嚟 三十歲人而家努力學習緊點樣排解🙏🏻🥹