C Placement Week 5 星期三原本要見一個有子宮內膜癌嘅patient Supervisor話呢個病人係比較適合學生 冇咁複雜 所以準備晒所有嘢 同supervisor傾完個plan 點知臨見佢前 佢老公行出嚟問我哋有冇紙兜 因為個病人嘔 佢嘔緊 所以唔適宜入去見佢 然後就通知咗醫生佢嘅情況 星期四朝早再嘗試見呢個病人 點知一晚之間成個情況轉差 發現呢個patient有large bowel obstruction 要禁食 等緊手術醫生決定適唔適合放stent去撐大大腸阻塞嘅位置 所以暫時營養治療上都做唔到啲咩 只可以等 有時病人嘅情況可以轉得好快 前一日冇咁嚴重 最多係食唔夠嘢 隔一晚個情況去到好複雜 甚至變到好危急 如果佢唔適合放stent 佢就要end of life 我哋就要discharge佢 因為腸道阻塞就冇得做腸道營養 又唔適宜做靜脈營養因為只會無限期吊住佢條命☹️ 喺ward做嘢真係要好強嘅情緒控制 隨時要面對突發情況 星期五第一次去clinic 問咗三個病人嘅diet history 發覺比B placement有進步 講嘢有返啲自信同個flow都好啲😂