阿多諾喺1944年嘅《啟蒙的辯證》已經討論過呢條問題，即係「一個耗損多數人生命嚟造就少數人獲利嘅經濟體系，點解會得到廣泛的支持」。佢嘅講法係文化工業會判弱人嘅自主性同獨立性。阿多諾舉嘅例子有啲過時。放喺今日，21世紀嘅版本會係social media、algorithm或者赤裸裸嘅TikTok。 留言問「有咩高見」嘅人，我諗佢地技術／思路上其中一樣尚未到位。呢度引用一個普通嘅網上回應： 「資本絕不會去利用一個容易讓人欲望飽和的東西供養自己……而人對輕輕鬆鬆就能獲得快感的東西極其容易上癮，於是奶頭樂、感官刺激、娛樂至死就大行其道」 「這說明了一個什麼問題？那就是資本棄之如敝屣的、恰恰是你需要認真審視和對待的，那裡面很可能蘊藏著對你生命真正重要的東西」。 例如日常生活太多碎片化娛樂，咁有無辦法睇長啲嘅文本？就算唔睇小說、文學，最普通睇套動畫咁，都可以揀睇visual novel。當然大眾向嘅galgame仍然係文化工業一部份，但要追求深度嘅，一樣有好多選擇。至於技術方面以前反覆提過，可以參考吓，或者直接問我。 不過比較大問題嘅係呢類社會批判通常都好精英主義，唔太啱普通香港人口味。