想起一件往事 之前幫Ex慶祝生日 佢係我第一個男朋友 男朋友生日!!咁大件事 我當然超級勁隆重其事 就算佢冇所謂 我都要比滿滿嘅儀式感佢😂 一早買好氣球佈置 staycation慶祝 本身我一個人先預早check-in好了 但有少少事 我放低咗慶祝物資喺酒店 出咗去 到夜晚先同佢一齊返去 所以所有佈置都喺佢面前set（冇左驚喜了 雖然佢一早就估到😂) 買咗橡膠氣球 鋁氣球 串串英文字等等 鋁氣球OK嘅 一吹就係 雖然好大個吹到斷氣 橡膠氣球呢 我係淨係識吹唔識打結 我有爆氣球恐懼😂😂吹完之後唔識打結 綁喺氣球底嗰啲膠 繞左幾個圈好快漏氣 漏完又吹吹完又漏 繞到個膠又斷埋 吹6個橡膠氣球都搞勁耐😵勁崩潰 原來搞搞吓已經搞左一個幾鐘 Ex開始催我 我一路搞滿頭大汗 不斷吹氣面都紅晒 佢一催我更加緊張 我終於忍唔住開口想請求佢嘅協助 問佢可唔可以幫我打結 佢同我示範完打一個結 又放返氣 就話教左我了 🫨我夠知係打死結啦 問題係我手殘我先想搵佢幫手 平日都唔會點開口請人幫手🥲 波已經吹好晒係差個結 打好晒結咪吹得蠟燭!!