2024 年某日下午，行過鴨寮街，見到有個伯伯坐喺路邊成地血，有個先生赤手用紙巾幫佢㩒緊個額頭，估計係叉錯腳跌穿頭，當時有幾個路人都同時表達，999等好耐都冇人聽 於是我就打救護車總台電話：27353355，一秒鐘就有人接，好快就有冷靜勤快嘅救護員到場協助 問到伯伯太太電話，立即致電通知事件、救護車車牌號碼，送邊間醫院之後，我就離開了。 有幾件事想講，1. 係非常重要 1. 喺我了解緊乜事，到打救護車電話接通途中，一片混亂，我睇住有個口音女人除緊伯伯隻錶，爭啲就除到，到㩒傷口嘅先生叫伯伯小心財物嘅時候，個女人立即消失 2. 㩒傷口嘅先生勇敢而且好冷靜，夠膽赤手掂傷口，會控制場面，會問伯伯問家人電話，非常佩服。 3. 白車到街口，有途人問是否叫咗白車，主動跑去街口引領，好感謝。 4. 當999線路繁忙，請記低 27353355 救護車電話，告知接線員事件、附近門牌或燈柱號碼、傷者情況等，佢哋會好快幫到你。 留言續。