今日去左睇子舜的畫展，子舜而家應該已經廿二歲了，係一位患有自閉症及中度智障的藝術家，詳情請睇連結。今日第一次見子舜見到佢可以同人簡單互動、影相（我帶左幾個sen小朋友去，張相得子舜望鏡頭🤣🤣），應該都係多年嘅訓練同埋出活動習慣左。 感受好深嘅係，好多人話自閉症小朋友有另外嘅天賦，我都好相信係，而家無嘅話可能係未搵到（我都未搵到我小朋友嘅天賦）😆或者個天賦唔係一般人認知嘅gift。聽過有sen小朋友係識左右手同時寫不同嘅字😱。 文中話子舜5歲時仲係零語言能力，想像到父母年年月月嘅辛勞先至培養到子舜而家嘅能力，可能照顧sen小朋友個付出同收穫唔係成正比，日子好長先至會見到少少成果，但正正呢啲例子都係鼓勵到我唔放棄，搵岩方法去幫小朋友適應社會同時都可以搵到自身嘅價值🙏🏻祝福子舜可以繼續走佢嘅路🙏🏻