加多一點，之前諗AI幾勁都好，大概唔影響我地學做/去做嗰啲AI做得好叻嘅嘢，原因係就算AI出現前，世界一直都有勁人過你，而你唔會單單因有人做得好你好多而唔去學做。 呢點諗返有少少不足。因為AI除咗勁，仲有另一點好重要，就係佢為你所用。佢唔係獨立在外嘅一個勁人，佢係為你所用嘅勁工具。佢唔係自己做到勁嘢，佢係令你做到勁嘢。 考慮埋呢點，上面所講「有人勁過你你都會照做」就變得irrelevant。你唔做/唔學做唔係因為AI勁過你，而係因為你靠AI已經做到嗰樣嘢。但呢度最大危險正正就係搞亂咗一開頭講嘅兩種「做到」，視兩者為等同。