用AI嘅隨想－而家面對一個唔識嘅task A，我地有兩種選擇，一係學做A，一係學點樣叫AI去做A。 兩者結果都係你會做到A（唔理所花嘅時間同心機有冇分別住；另外兩種「做到」意義其實唔同。）。前者你會識咗A，後者你會唔識A，但你會識得點樣reliably做到A － 靠指使他人／他腦去完成A。基本上你會習得類近management嘅能力，但唔會有A嘅能力。 但假如A 本身就係你想做、做A會令你開心嘅話，似乎AI做唔做到、係咪更有效率，係唔會決定性影響你去學做A.（雖然可能影響你點學）。 而進一步如果「學」呢樣嘢你本身就enjoy嘅，AI做唔做到就更加同你無關。 之前寫過個post，講大概有兩種task你會真心想用AI： i) 對你無關痛癢嘅Task， ii) 你想做嘅project比較龐大，AI幫你做其中組件嘅細task。(ii其實都係i) 一旦用AI 做咗自己想做嘅嘢，好似就入咗本末倒置嘅情况。 但如果人慣咗手勢，喺未諗清楚前就用慣咗AI 做自己潛在可能想做嘅嘢，噉又算係點呢？