尋晚終於睇咗《她和他的戀愛花期》 好多人睇完話男女主角都無錯 只係現實嘅殘酷將愛情輾過 話一個追求愛情；另一個被現實折磨 但我睇法有啲唔同 我淨係見到男主角為段關係而努力 而女主角發覺對方轉變，就想分手 究竟係男主角變咗；定女主角轉左新公司，對佢老細有好感而分手呢？！遲唔分... 早唔分，一轉公司女主角飲醉，就係咁問個老細：「你覺得我點啊？」，仲瞓埋人大髀？！跟住個老細就叫個女主角分手。轉頭就話要同男主角分手..！吓？咩料啊？ 到最後分手嘅時候 男主角仲極力挽留女主角 而女主角好高尚咁話自己追求愛情 又話自己會搬走先 因為我負擔唔起咁貴嘅租金 係囉，唔努力返工點交租？！ 即係如果男主角一直唔努力工作 係負擔唔起依個「戀愛花期」嘅開支 男主角都有講過，我要努力工作先可以睇戲、買書，維持而家嘅生活。 男主角強調咗好多次，我只係想努力工作，同你一齊💔....睇到我心碎... 她和他的戀愛花期