最近成日諗起細個見到靈體嘅野 二三年級果時係姑姐屋企瞓晏覺， 有次起身果時， 見到兩舊白雲嘅嘢物體係神枱走出嚟， 笑住同我打招呼☺️ 我以為自己眼花，好大力合埋對眼 再打開眼，都係見到佢地😲 又有一次 係姑姐屋企睇睇下電視， 又見到兩舊雲飄過☁️ 果時細個，真係唔知係咩黎，覺得好得意🤣 直到幾年後，又有靈異事件 半夜姑姐屋企個神枱發出敲擊聲， 大家都嚇親🙈之後姑姐去拜神問事 原來有一位先人因為夭折過身 無被放上神位，所以唔開心 而現有神位只有姑姐個老爺同叔仔 問事之後，姑丈真係話有個細佬係夭折 呢件事姑姐都唔知 最後佢地幫果位先人上位，就無事喇🙈 果時我先知，同我打招呼⋯ 係姑姐個老爺同叔仔⋯⋯⋯🥶🥶🥶🥶 細個真係好驚再見到，但而家就覺得 可以見到都好吖⋯⋯ 我好想見到自己過左身嘅親人 好掛住爸爸⋯好掛住嫲嫲😢