<last day> 唔知大家咩心情呢？很慶幸當年last day啱啱冇停課，中六大部份時間都有見到同學。食飯、小息、打波、吹水呢啲依家諗返都係好好的回憶。嗰日約了同學一起飲早茶，十個八個，不多都不少。幾十分鐘的時間，歡聲笑語，詳細講過啲咩完全唔記得，嗰次之後就冇再飲過早茶。好可能下一次飲茶嘅時候，喺大學成班人通完宵先飲。 寫校服。由朝頭早一個一個寫，一件校服係幾班之間掉嚟掉去，水筆都係見到就執。在各位同學的校服，一筆筆也寫上對大家的愛：除了對大家的支持、鼓勵、對未來的期望，仲有會收穫一堆塵封已久的憶記。大家點樣識、因為小學雞而絕交嘅故事。每件校服，都係我們對青春的見證；五顏六色的字，是承載我們的回憶。 最後自己既校服都被各位寫得五顏六色。着住它同熟、唔熟嘅朋友都有影相，因為我嗰時已經知道，好可能係最後一次見。而家睇返，當日影相嘅畫面仍然記憶猶新，好好彩有影到，每張相都仲有溫度。 趁係last day，快啲和全部人都影張相！因為你永遠不知道，你們係之後會唔會再見面。過來人經驗，即使同一間學校，都未必有時間再見。 不知看到這篇文章我那些很久沒聯絡的朋友們，你們最近過得好嗎?