諗起之前教琴有個家長叫我一個月教識佢個仔一首三級嘅歌 佢個仔要比賽 趕住交片 （佢話佢個仔啱啱考完三級） 但係佢個仔琴又唔練 上堂又唔聽我講野 連最基本嘅音都唔識 下下都要慢慢數 拍子直頭係災難 亂咁嚟 重新改編曬成首歌咁 （唔知佢之前嘅老師點教佢） 咁我第一堂咪花時間同佢pick up返+教少少新野 第二堂返尼佢又冇練琴 唔記得曬點彈 我又要同佢重溫返第一堂嘅野 唔通佢之前嗰啲未搞掂 我都繼續教新野咩 然後教左兩堂之後 個家長覺得我教得好慢 跟住叫我唔洗再教 。。。 大佬 你個仔自己都唔肯練琴 你想佢點樣用一個月時間學到曬成首歌 仲要參加到比賽…？