上次講到喺街遇上有人意外受傷，需要致電救護車熱線2735 3355求助，今日又想講下，幫一個腦退化長者搵返家人嘅故仔。 利申：非醫護或相關行業嘅普通人。 腦退化（老人痴呆）初期病徵，包括識出門但之後迷路、時空錯亂、對日夜時間無感等。 而多年來，逢見長者獨自企喺街頭，我都會留意，有時仲會埋去問。 幾年前一個春夏間嘅傍晚，天已漸黑，我喺繁忙街道見到一個著老人花花衫嘅婆婆，篤住拐杖、目光渙散但又安靜地四處張望，直覺古怪，於是問下，婆婆話想搵百佳買瘦肉炒蛋俾阿仔食，於是日頭坐小巴去到附近落車，但又唔識問路，只好四處望，直到我出現。 我一睇，婆婆行動嘅速度，移動去最近百佳，最少要30分鐘，嗰陣已經7點，邊可能煮得切飯？第二怪 正值疫情，婆婆身世乾淨、口罩新淨、但面上有新嘅擦傷傷口，時地同身世係古怪之三。再問，幾點出門？幾點食咗飯？有冇肚餓口渴尿急？一概唔記得，咁應該真係走失，唯有hold住佢，同佢講因為咁夜都煮唔切飯㗎啦，提議佢打俾阿仔帶佢去食飯。 呢種長者好多時都會好乖好聽話，於是，我檢查婆婆嘅手機，點知冇電，但幸好黐咗佢阿仔嘅電話號碼，於是立即致電 留言續