美國隊長4真係令人好失望，寧願睇多次唐探1900 見人比較呢兩套戲，咁啱兩套都有睇，都想講一講自己感受。本來對《美國隊長4》都仲有啲期待，畢竟新任隊長sam wilson接棒，點都想睇下佢可以點 carry 。點知睇完真係無言，劇情散晒，動作場面唔夠震撼都算，本身冇預佢可以去到end game咁，反派無存在感，成套戲睇完冇咩記憶點，好難怪連 MCU 迷都覺得悶，最慘係節奏慢到想瞓，啲對白又無營養，仲不如返屋企煲netflix。唔怪得 Rotten Tomatoes 得50%，全球票房都唔理想。 反而《唐探1900》起碼有誠意，雖然唔係完美，但起碼個故事有新意，角色又有化學反應，仲帶住少少歷史元素，算係玩得幾特別，加上發哥同幾個國內男星演出都好睇，起碼唔係讀劇本咁做，feel到班人有心機去度gag同搞下肢體動作，起碼唔會想睇住睇住碌手機。