響同我女朋友拍拖之前，我已經知道佢係陳柏宇嘅超級忠粉，但係估唔到嗰份愛係遠超於我想像，佢同屋企人都會好開心咁睇早餐Live、化妝Live，甚至瞓覺Live，一齊好樂也融融咁暢談陳家各成員嘅最新動向。 不過正所謂If you can’t beat them, join them！我有時都會睇埋一份，覺得Abi好乖女好有愛，Audrey啲反應就好似我女朋友一樣咁頂癮！（特別係想食朱古力🍫嗰下）媽媽就好健談多話題，至於陳生好有耐性咁教女都真係會學到嘢。👍🏼👍🏼👍🏼 雖然女朋友咁鍾意另一個男人難免令我有啲心底世界大戰，但我都好支持佢繼續做啲會令自己開心嘅事，所以我平時都有陪佢去同陳生應援打卡，一齊研究下點樣出帖出Story會令到更多人留意到陳生嘅資訊。 好多謝陳生對得起GG，病住都唱得咁好，女朋友可以響生日前有兩晚時間近距離欣賞到佢偶像嘅精彩演出，陳生有咁多粉絲愛錫真係值得嘅。👏🏼👏🏼👏🏼 今日2月20號係我女朋友Wendy 18歲生日嘅大喜日子，唔知陳生可唔可以響度同佢親口講一句生日快樂呢？跪求偉大嘅演算法推畀陳生望到呢個帖。🙏🏻🙏🏻🙏🏻 @ckw720 #陳柏宇Lifeislive演唱會2025